شهداء المذبحة الكروية

محرر المايسترو1 فبراير، 2022

• رحلة قطار ٩٥١ رصيف رقم ٤ الساعه ١١:٣٠ المتجه الي بورسعيد يوم الاربعاء ٢٠١٢/٢/١ رحم الله شهداء بور سعيد

سيظل هذا القطار عالق بالاذهان .صباح يوم الاربعاء شباب التراس اهلاوي بيتجمعوا عشان يتفقوا يشجعوا ناديهم حماسهم غالب عليهم حبهم للنسر الاهلاوي هو كل حاجه في حياتهم راحوا ستاد بدأ الهتاف بس الهتاف كان مهزوز المره دي صوت الشباب خارج وكأنهم حقيقي بيستنجدوا الرعب محاوطهم من كل اتجاه خوف في كل مكان لاعيبة مش مركزة حاسة مستغربة بيحصل ايه ماتش كورة ولا ساحة قتال.

ورغم الهزيمة الا ان قلوب الخونة كان هدفها واضح من البداية خلق مذبحة كروية هيفضل التاريخ يلعنها في كل كتاب كنت شايفةصورة حية لكل نقطة دم سايلة من شبابنا العشمانين في حلم صورة جنب نسر عالي او بفرحة صورة جنب لاعب هو قدوة غالية.

ليه شاب خارج من مدينته لأجل يهتف للكيان .. شاب ساب اهله وصحابة قالهم يادوب ساعات واكون معاكم احكي ليكم بدأ الهتاف شكل الميدان ونزول لاعيبه لابسه احمر تلعب وتكسب بيها نفرح ويعلي صوتنا يوم ما ابطل اشجع اكون ميت اكيد .

وقتها صرخة عليت هدت كياني لخبطت كلالاماني وقتها في رعشة هزت جوه مني كتير معاني هو دا دم الولاد؟الكراسي فين مكانها هي دي جثث الولاد؟ حلم بايخ يارب افوق يارب اصحي .

كفاية رعب كفاية خوف ..وايد بتمسك فيا حالفة ما اصحي لسه الالم باقيله حبة لسه مشوفتش الوجع كمل كابوسك في لسه دم ع الارض سايل شوفه ركز اوعي تنسي خلي حلمك جوة منك يفضل محاوطك انت ناسي دولا مين ؟؟ اخوك وابنك وابن عمك صاحبك وجارك عابر سبيل كلهم شهدا الرياضة مش هتفرق لون تيشرت ابيض واحمر كل سال ع الارض والكفن جمع مابينهم ..

اب تايه ف الشوارع ابنه كان ع الماتش رايح يتصل ابنك شهيد ولربه رايح اصبر يابويا خلاص نصيبك..اخت بتشوف النتيجه كريم هيزعل من الهزيمة كريم شهيدمات من الهزيمة لا والله مات بالخيانة .

اب قال بايدي لفيت ضنايا في الكفن يوم ماعلمته الهتاف اهتف ياولدي وردد معايا“الاهلي حديد حتي النهاية“.

مات الولد والاهلي دايم ..حق ابني واخوة الشهيد عند رب الشهيد ورب العباد ورب كل خاين ساب الولاد ف ايدين يهود باع الضمير خانوا البلد ..قفلو البيبان عم الظلام دبحوا الولاد والذكري لينا والحساب يوم عرض الكتاب .💔

‏فبراير الاسود علي الرياضة المصرية

74بطل كان ذنبهم تشجيع ناديهم ..مانتوا كنتوا كسبانين خدتوا ايه من هدر دم خدتوا ايه من غدر شاب عاش بيحلم بالهتاف لناديه..20شهيد ياكسرة القلب عليهم وقت مسكتهم للبيبان افتحوا بنموت ياناس