اليوم المشؤوم ..زي النهاردة من 10سنين مصر خسرت 74 راجل
اليوم ده عدي على كل شخص أياً كان انتماؤه أو ديانته زي طلوع الروح
اليوم المشؤوم ..أقولكم حكايتي وبعدها هتعرفوا أنا مين
كان يوم زي أي يوم بإختلاف الظروف.. طلعت ورا فريقي بدون اي خوف . زي النهارده من زمان “فضل مفتوح كتاب الأحزان” اب ابنه طلعو كان في رجوعه عشمان .
يابني خلي بالك من نفسك
يابا ياما دقت عالراس طبول . انا ورا الاهلي مهما المشوار يطول . رايحين بنردد الهتاف . ورا الاهلي والله ما نخاف
بدأ الماتش و الاب أيده علي قلبه و طول الماتش ييدعي ربه.
يارب كن مع ابني علي قد خوفه عالأهلي و حبه .
بدأ الماتش و الجمهور بيهتف
و هناك واحد علينا بالطوب بيحدف
اخويا وقع و دمه بينزف .. بدأت الحرب و كله فينا بينسف.
ده سببه ايه ! والله ما حد يعرف .. ضرب و شتيمه بآلام . اخويا واقع بين بحر دم . اخويا مات و ايه السبب؟ والله مات ظلم ..
اللي حصل قدامي عمري ما شوفته ولا حتي في فيلم
واقع مستغرب اكني في حلم ..
واحد من فوقي اترمي و التاني من المنظر اتعمي .
ابن مدبوح و اب مجروح و ام من البكا نظرها هيروح
عرفتوني انا مين ؟
انا الشهيد. انا اللي شوفت الموت جاي من بعيد. قاله لو روحت هتموت قولت اروح ده رؤية الاهلي عيد .
جيلنا مات ؟ ورانا جيل جديد . لو قالو الاهلي يستاهل ده
هقول اه ويستاهل العديد
و زي ما قولتلها يوم ما ابطل اشجع هكون ميت اكيد
اليوم المشؤوم
أحمد نصر
