لاعب الزمالك مهاجمًا الإدارة: بيجوا على المحترم والمتربي

هاجم علي ياسر لاعب نادي الزمالك السابق، إدارة القلعة البيضاء بعد الإستغناء عنه، وعدم قيده في فترة الانتقالات الصيفية.

وكان الزمالك أعار علي ياسر، في فترة الانتقالات الشتوية الماضية لصفوف نادي مودرن سبورت، وعاد لصفوف الفريق في نهاية الموسم.

وأكد اللاعب أنه غضبه بسبب عدم إبلاغ مسؤولي الزمالك لعدم قيده في قائمة الفريق للموسم الجديد.

علي ياسر يكشف تفاصيل أزمته مع الزمالك

ونشر علي ياسر بيانًا عبر صفحته على الفيس بوك: (وَاصْبِرْ لِحُكْمِ رَبِّكَ فَإِنَّكَ بِأَعْيُنِنَا) بعد اغلاق القيد حابب أقول حاجه بس

بعد ما قطعت اعارتي مع نادي مودرن سبورت(فيوتشر) لحد النهارده الصبح كنت مفكر أني متقيد في نادي الزمالك زي ما اتقال ليا.

وأضاف: بعد محاولات كتيرة من التواصل مع مسؤلين النادي قبل إغلاق القيد، لا حد سأل فيا

ولا أتواصل معايا عشان أعمل أبسط حقوقي أني أنزل أتمرن.

وحتي بعد ما رحت النادي اسأل علي موقفي وأني محتاج أعرف هعمل أيه، لأني قاعد ف البيت بقالي شهرين

وهقعد في البيت لحد شهر يناير.

وأكمل: اتفاجئت أن النادي استغني عني قبل ما القيد يقفل بدون علمي، لا حد كلف نفسه ثانية يكلمني يقولي علي حاجه

ولا حد كلف نفسه ثانية يرد عليا عشان أعرف موقفي، بعد ما اتقال ليا قبل كده من مدير الكورة أني متقيد في النادي.

وزاد: لحد دلوقتي أنا قاعد في البيت بسبب تعاملي بإحترام وإحتراف زي ما أتربيت و أتعلمت من وأنا صغير.

وأضاف: بس ف الكورة ساعات بيجوا علي المحترم والمتربي شوية.

ودايماً هيفضل عندي قناعة أن ف الكورة زي ما في الحلو في الوحش وده جزء كبير من الكورة فبكل الظروف هنعدي بيه

ونستحمله عشان دي الحاجه اللي الواحد بيعرف يعملها و بيحبها، والله يعلم أني محب ومشجع لنادي الزمالك منذ الصغر.

وأضاف: كنت أتمني أتوج مع نادي الزمالك بكل شئ، لان ده حلمي منذ الصغر لكن بعض الناس كان لها رأي اخر.

واختتم: لاكن حابب أشكر الجمهور والاعيبة والمدربين الي وقفوا معايا وسندوني في أول ظهور ليا مع نادي الزمالك

وفضهري من وأنا صغير داخل جدران نادي الزمالك.

ودايماً كانوا اخواتي الكبار ودايماً كنت بتعلم منهم، ونسأل الله التوفيق فما هو قادم ليا و لنادي الزمالك وشكراً.

كلمات البحث

إسلام عبدالتوابمنذ يوم واحد