شن محمد طارق لاعب الفريق الأول لكرة القدم بنادي الزمالك والمنتخب الأولمبي، هجومًا على إدارة القلعة البيضاء برئاسة حسين لبيب.
وكتب محمد طارق عبر حسابه الشخصية على “إنستجرام”: بعد إغلاق القيد عاوز أقول كلمتين، أولاً بلاش تتخدعو في الناس والواحد مكنش محتاج حاجه من حد غير شويه احترام وإحترافية في التعامل.
وأكمل: لكن ده محصلش وأنا مبحبش اتكلم كتير، بس النهارده أنا شبه هقعد شهرين بدون نادي.
محمد طارق يهاجم إدارة الزمالك
وواصل: لكن تعالو نعكسها كده لو أنا لاعيب وسبت النادي بتاعي وهو محتاجتي أوي وروحت نادي تاني، علشان فلوس أو غيرو الناس والجمهور بيقلبو الدنيا.
وأكمل: أما لما النادي إلى اتربيت فيه ولعبت وكسبت معاه بطولات ولو جزء صغير من النادي
وأبن النادي وأكون راجع من أولمبياد وأرجع علشان أنزل التمرين وأكلم المسؤولين وشهرين محدش يرد ولا يتواصل معاك.
اقرأ أيضاً :تاريخ مواجهات ريال مدريد وبرشلونة في الدوري الاسباني
وواصل: على فكره معنديش مانع تفسخ معايا عادي جدًا هي ديه الكورة وده جزء من الاحتراف
وأضاف: لاكن أنتو لا ترتقو أنكو تكونو مسؤولين في نادي كبير، ولا تعرفو يعني ايه احترام للاعب الصغير قبل الكبير عكس أي نادي تاني.
اقرأ أيضاً :مرشح قوي يهدد حلم أبوريدة في رئاسة الكاف
واختتم محمد طارق: لكن الجمهور واللاعبين أحب اشكرهم على كل يوم قضيتو داخل النادي وبحبكو جداً
وشكراً على كل الحلو إلى عشتو، والبطولات إلى خدناها سوا وأسف لو قصرت في يوم من الأيام.
