وجه محمد رضا بوبو لاعب نادي فيوتشر المنتقل حديثًا إلى صفوف نادي بيراميدز، اتهامًا إلى إدارة ناديه السابق، بالنصب عليه في مستحقاته المادية.
وكان بوبو أتم انتقاله إلى بيراميدز مع مهند لاشين ومحمود مرعي زملائه في فيوتشر، في صفقة كبرى خلال فترة الانتقالات الجارية.
وكتب اللاعب عبر صفحته الرسمية بموقع التواصل الاجتماعي “فيس بوك”قائلًا: “خلاص مبقتش قادر أصبر أكتر من كده بصراحة
رضا بوبو يطالب فيوتشر بمبلغ 4 ملايين و 200 ألف جنيه
وأكمل: حتى لو العواقب كتير ولو هيحصل إيه، المهم أهدي النار اللي جوايا شويه عشان أكون حتى ارتحت من جوايا
وكده كده ربنا موجود وهيجبلي حقي.
اقرأ أيضا: كولر يرفض اصطحاب نجم الأهلي لمعسكر النمسا
وأضاف: أنا كنت خلصت وجالي اتصال تعالى ضروري النادي عشان تمضي الاستغناء بتاعك عشان خلاص أنت مشيت
قولت حاضر وركبت عربيتى وطلعت علي النادي، الساعه 11 بالليل الناس قبلتنى وقالولي عايزينك تمضي ورقتين ورقة مخالصة والاستغناء.
وتابع: قولتلهم الاستغناء حاضر همضي مفيش مشكلة، أما إيه اللي يخليني امضي مخالصة وأنا ليا 4 مليون و 200 ألف جنيه
وأكمل: في واحد لا داعي لذكر اسمه لانه ده ميعرفش ربنا طبعا قعد يكلمني ولازم تمضي
أقوله ازاي يا كابتن أمضي مخالصة، وانا ليا فلوس قولت مش همضي ومشيت ومضيت علي الاستغناء.
رضا بوبو: لم أحصل على مستحقاتي أنا واللاعبين المعارين
واستطرد: جالي اتصال امضي وأنت فلوسك عندي ومتقلقش أمضي وأنت وزملائك اللي ماشيين
هنيجي ونسلم عليكم وتاخدوا الشيك بالدولار زي باقي الفرقة ونشكركم أكيد يعني، قال أه أمضي وبس.
وقال: اتفقت مع الاتنين اللي كانوا معايا عشان كنا متفقين أننا هنعمل كل حاجه بالاتفاق مع بعض فاقالوا هنضمي كلنا ونروح التلات ناخد الفلوس
مضينا علي الورقه ومكناش مدين أي خوانه لحاجه جه يوم التلات لقينا اللعيبه كلها أصحابنا اللي في الفرقه طلعلهم فلوس
وكل واحد شيك ماعدا احنا التلاتة والتلاتة المعارين اللي مشيوا من النادي.
وأردف: اتصلت بالشخص ده قلتله الشيك بتاعنا امتى قالي بالليل في ناس الصبح وفي ناس بالليل وأنت بالليل
جه بالليل كلمتوا قالي الصبح فضلت علي الحال ده كل يوم يقولنا التلات الجاي يجي التلات يقول الأسبوع الجاي،
يجي الأسبوع الجاي يتقال بكرا كمان يومين علي الحال ده.
وزاد: في حد مشكور طبعًا بدون ذكر اسمه، قالي أنا بحبك وأنت أخويا الصغير، لو أنت مفكر أنك طلعلك فلوس يبقا بتحلم،
مصدقتش وقولت لا أكيد الفلوس هتطلع الناس كلموني وقالولنا الفلوس عندنا وأنا مصدقهم ومعايا.
اقرأ أيضا: من هو كارلوس بيرينجر مساعد كولر الجديد؟
واختتم: من الواضح أن مفيش فلوس جايه ولا أي حاجة، علي العموم حسبي الله ونعم الوكيل في كل واحد أكل حقي وتعبي اللي شقيت فيه سنتين
تعب وسفر هنا ولعبنا إفريقيا وخدنا بطوله وطلعنا مركز رابع سنتين يعني الحمدالله مقصرتش في حاجه
بس فكرت أن حد ياكل حقك، دي صعبه عليا أوي وأنا زعلان.
