يواصل الشاعر رامي هشام نشر سلسلة “شعْر كروي” عبر المايسترو الرياضي.
نسر الاهلي رجع من تاني
لمكانه العالي في العالمية
و إحنا معاه راجعين بأغاني
ف كاس العالم للأندية
ولا غيابات و لا حتى كورونا
تقدر علينا و توقفنا
حتى إسألوا اللي يعرفونا
و مين ف الدنيا مش عارفنا
أهلاوي .. انا أهلاوي
أهلاوي .. دايما ع المكسب ناوي
المستحيل لأ مش أهلاوي
شوف كام بطولة بعد التسعين
في الوقت الضايع لينا حكاوي
بنحكي عنها سنين و سنين
الاهلي ده رمز البطولة
و النسر عمره ف يوم ما خاف
من درجة تالتة لحد أولى
و الكل على نفس الهتاف
أهلاوي .. انا أهلاوي
أهلاوي .. دايما ع المكسب ناوي
فيه ناس بتيجي و ناس تروح
و الأهلى باقي مالوش بديل
حبك يا أهلي ساكن في الروح
و ع الكلام ده ف ١٠٠ دليل
أهلاوي .. انا أهلاوي
أهلاوي .. دايما ع المكسب ناوي
شعْر كروي..رامي هشام
