شن ياسر الشنواني نجم الكرة المصرية السابق هجوما ساخنا على اللجنة الثلاثية المكلفة بإدارة اتحاد كرة القدم برئاسة أحمد مجاهد بسبب القرار الذي صدر مؤخراً بمنع انتقال أي لاعب في مراحل الناشئين لأي ناد يبعد مسافة أكثر من 50 كيلومتراً من محل اقامته.
وكتب ياسر الشنواني لاعب الاسماعيلي والمصري البورسعيدي والاتحاد السكندري السابق عبر حسابه في فيسبوك : شايفين قد ايه فخورين بصلاح ربنا يكرمه هو وكل محترفينا لكن في سؤال ايه القرار اللي عاوز ياخده اتحاد الكره بأن البراعم او الناشئين مينفعش يروح نادي يبعد ٥٠ كيلومتر عن بيته.
طبعا قرار غبي. صلاح والنني وتريزيجيه كل واحد ساب مدينته وعانوا الكثير علشان يوصلوا للي هما فيه. لو كان في قرار زي ده ماكان صلاح ساب الغربية ولا النني المحلة ولا تريزي كفر الشيخ وغيرهم.
ياسر الشنواني: الجهبز اللي ماسك اتحاد الكرة عاوز يقتل المواهب
وواصل الشنواني: فعلا قرار غبي. كمان لو في نادي قيد اللاعبين اللي محتاجهم باقي اللاعبين تلعب في الشارع؟ قرار مالوش أي لازمه. وكل أولياء الامور عندهم استعداد يسافروا علشان ولادهم يلعبوا كرة.. عشوائية الإدارة.
بدل ما الأستاذ الجهبز اللي ماسك اتحاد الكرة يجيب ناس تمسك لجنة مسابقات وكان اخرها تنظم دورات رمضانية أو يجيب فينجادا اللي بياخد مليون جنيه في الشهر ولا بيعمل إي حاجه يطلع قرار غبي زي ده كان اولي يستشير ناس بتفهم في الادارة … الناس دي عاوزه تقتل المواهب وتخلص علي اي ناجح رياضيا.
أقرأ أيضا: قائمة محمود الخطيب النهائية في انتخابات الأهلي
