ما بين منتخب الساجدين ومنتخب المحترفين منتخبنا المصري فين ؟!
صوت هتاف المصريين ولمتنا وسط المحروسة وصرختنا اللى بتعلى فى كل هجمة من باصي لحمزة تريكة الجان.
من هيما لشوقى والبلدوز كمان، روح واحدة ف 100 مليون لاعمرنا بصينا للون الفانلة ولا جبنا عتاب ع أى كيان.
مدرب مصرى معجون بمية وتراب أرضها مرعب أفريقيا وأى مكان كلمته واحدة فاهم وأمير.
لا عمرنا احترنا ف تشكيلة ولا قولنا المكسب مش بإيدينا 11 راجل ف الساحة ودقايق بتعدى والكل بيسرح ف اللعبة والهدف أهو جاى جاى.
يمشى مدرب يعتزلوا رجال وما بين اللحظة وتواليها تهنا احنا كمان بعديها.
اقرأ أيضا: فيديو.. تفاصيل تلقي السولية عروضًا خليجية بعد تألقه في كأس العرب
راح الضمير تاه الإيمان حبة رشاوى انعدم التفانى سرقة تيشرت وفيها ياما هقول واكشف كل الحكاوى.
ونسكت عشان ضميرنا مفيش، احنا يا عينى بنحلم ونعشق هتاف النشيد ووقت البداية نشجع بلدنا وهما يا ويلى بنصب وخداع سرقوا حماسنا باعوا الرياضة ومهما بنصرخ ولا حد سامع.
بطولة حلمنا احنا بيها بجيل يادوب سمع بس بيها واهو روحنا ليها خروجة بفضيحة وسرقوا التيشرت وفوضى كتيرة.
واهو رجعنا تانى نشجع ونهتف بلادى بلادى لكى كل حبى وانتِ الفؤاد.
وتبدأ ياولدى تانى الحكاية..يمشى الخونة هترجع بلادى من القلب نهتف وتحيا بلادى..هيرجع وقتها منتخب بلادي♥️
حياه
