قبل نهائي السوبر.. هجوم ناري من شوبير على اتحاد الكرة

شن الإعلامي أحمد شوبير هجومًا على مجلس إدارة اتحاد الكرة المصري، قبل نهائي السوبر المصري، والذي سيجمع بين الأهلي والزمالك.

وقال شوبير في تصريحات إذاعية: مينفعش يبقى عندي تقارير يتم البت فيها بعد 6 شهور، وكله على حسب الهوى، لو عندك حاجة لازم تعرضها وخد قرار.

وتابع: أتمنى في اللوائح اللي بتتحط دلوقتي، تقول في حالة عرض موضوع على أي لجنة ولتكن الانضباط مثلاً، يتم وضع مدة ولتكن حد أقصى 3 أسابيع لاتخاذ القرار.

أحمد شوبير ينتقد اتحاد الكرة بسبب تأخر عقوبات لجنة الانضباط

وشدد: يعني أية القرارات تقعد 6 و7 شهور، لو كان عندنا قرارات صارمة مكنش موضوع الشحات والشيبي كان راح النيابة والمحاكم، ومكنش الموضوعات اللي مبعوتة من 5 شهور لا زالت مستمرة حتى الآن.

واستكمل: الافاضل اللي ماسكين في لجنة الانضباط في اتحاد الكرة، لما كانو في القضاء المصري ومناصب كبيرة

وكان بيتعرض عليهم قضايا عديدة، ولكن اليوم في اتحاد الكرة عندك كام قضية تقريباً معندكش ف أية سبب التأخير.

اقرأ أيضاً :في بيان رسمي.. الزمالك يعلن قرار عاجل بشأن أزمة ثلاثي الفريق في الإمارات

وأردف حارس الأهلي السابق: القضية بتاعت مؤمن زكريا اتحكم فيها امبارح، زي مشوفنا جلسة واتنين والتالتة كان حكم.

وأكمل: أنهي أصعب بقى يا جماعة، أما في الرياضة كل حاجة عديها ومعلش، مفيش حاجة اسمها عديها ومعلش.

إقرأ أيضًا.. تفاصيل برنامج الأهلي استعدادا لمواجهة الزمالك

واختم: المشكلة عندنا في الرياضة أن القانون أحياناً بيغيب، والقانون مفروض ميبقاش في وزير ولا أي شخص.