فتح البرتغالي روي فيتوريا المدير الفني للمنتخب المصري الأول لكرة القدم، النار على منظومة الكرة المصرية، عقب الهزيمة أمام تونس، في مباراة ودية.
وتلقى منتخب مصر بقيادة فيتوريا هزيمة ثقيلة أمام المنتخب التونسي، بثلاثية مقابل هدف وحيد بالمباراة التي أقيمت على ستاد القاهرة، وديًا استعدادًا لبطولة كأس الأمم الإفريقية.
وأكد المدرب البرتغالي، أن المباراة كانت تحدي قوي للفريق، رغم البداية السيئة، وبداية المباراة بهزيمة بهدفين دون رد في العشر دقائق الأولى من اللقاء.
فيتوريا ينتقد منظومة الكرة في مصر
وتابع: منتخب مصر لعب بشكل رائع وكنا قادرين على التعادل في الشوط الأول، وكان لدينا تركيز للحاق بالنتيجة
بالرغم من تغيير أسلوب اللعب، وكل لاعب أدى أدواره بشكل جيد.
اقرأ أيضاً: سموحة يضم لاعب الزمالك على سبيل الإعارة
وأضاف: أنا بكره الخسارة جدًا، ولما أخسر أحب تكون أسباب من عندي، بشكر اللاعبين على مستواها والظروف صعبة جدًا،
اللاعيبة بتبدأ الموسم والدفاع أول مرة يلعب مع بعضه، لكن سعدت بشخصية اللاعبين
واستطرد: المشكلة مش لعب الدوري قبل توقف سبتمبر فقط، مسألة إنك بتلاعب فريق معظم العناصر أو كل العناصر الخاصة بها بتلعب في اوروبا
وأكمل: ولا نملك كل الأسلحة اللي بنوفرها كل مرة علشان ندخل المباراة، ممكن الناس اللي بتنظم الدوري ميقدروش يعملوا أفضل لان الموقف صعب
لكن كلنا لازم نفكر أننا نلاقي الحل، لأن أه مش هيسمح لينا نكون على مستوى عالي.
وأردف: ممكن ناس كتير في مصر كانت منتظرة الخسارة دي، لكن الخسارة ظهرت علشان نتحكم في الموقف بشكل أكبر
وأوضح: مفيش بطل بيكسب منافسات من غير لحظات خسارة، لازم في أمور مهمة نفكر فيها بشكل جدي
يعني بصراحة مكانش في أسلوب اننا نلعب مع فريق زي ده بالظروف دي.
وقال: الخصم اليوم، يلعب المباراة ويحتفل بالهدف الثاني كأنه في نهائي وإحنا مش قادرين نعمل ده
الأندية دلوقتي لاعيبتها مرتاحة لكن احنا زعلانين ولاعيبتنا زعلانة، والمسألة مش الأهلي لكن انا بتكلم عن النظام العام في مصر.
اقرأ أيضاً: موديست يتحدث عن كولر ويكشف سبب انضمامه للأهلي
واختتم: لا يوجد ولا معسكر أنا شعرت براحة به رغم الفوز فى كل المباريات الماضية
ولكن دائماً يكون هناك مشاكل ويكون اللاعب وهو معنا لديه تركيز فى أمر آخر.
