عضو مجلس الأهلي يتقدم بطلب عاجل لتصحيح طريقة الحضور الجماهيري للمباريات
![الأهلي _ محمد الدماطى](https://i0.wp.com/elmaestroo.com/wp-content/uploads/2022/07/inbound4601084379879218281-e1658024971743.jpg?resize=780%2C470&ssl=1)
تقدم محمد الدماطى، نائب رئيس شركة الصناعات الغذائية العربية “دومتى”، وعضو مجلس إدارة النادى الأهلى، بطلب عاجل بشأن تصحيح الحضور الجماهيري.
تحدث محمد الدماطي عضو مجلس إدارة النادي الأهلي، حول نظام جماهير المباريات المارد الأحمر خلال الفترة الماضية، وطلبه تغير سياسة شراء التذاكر.
وأوضح الدماطي ذلك من خلال منشور له عبر حسابه الشخصي على موقع التواصل الاجتماعي.
منشور عضو مجلس إدارة الأهلي بشأن الحضور الجماهيري
وقال عضو مجلس إدارة الأهلي: “لاول مرة من خمس سنين حتكلم و انا عضو مجلس لكن بلسان حالي لوحدي ، عشان الامانة تحتم عليا دة”.
و أضاف: “عارف سيل النقد اللي حينزل عليا و تعليقات نقد على الجانب الفني اللي أنا واثق إن شاء الله أنه مع الوقت أكيد هيتصلح و ثقتي كاملة في إدارة الكورة على تخطي الصعاب ، لكن فكرة إني عيشت حياتي كلها في المدرج تخليني أقول الكلمتين دول.
وشدد، “لازم إعادة نظر سريعة في نظام دخول الجماهير ، لا نظام الfan Id ولا أسعار التذاكر بتدخل نوعية جمهور الأهـلي بتاع زمان و لا فئات الشعب اللي بتحب الأهلي و الكورة بجد.
وتابع: ” لازم سعر التذكرة ينزل لحد ٢٥ جنية عشان اي حد يوصل الملعب رايح جاي و ياكل حاجة هيدفع زيهم مرتين يعني الماتش الواحد حيقف بأقل حاجة ٧٥ جنية و دة يخلي الناس اللي مرتباتها ٣ و ٤ ألاف جنية في الشهر يقدر يروح على الأقل ٣ ماتشات في الشهر ، عكس دلوقتي اللي الماتش بيدخل في أقل حاجة ١٥٠ جنية.
اقرأ أيضا: بالصور..تفاصيل مشادة رمضان صبحي ومحمد عبدالمنعم بعد مباراة الأهلي وبيراميدز
وأشار إلى أن نظام الحجز يرجع زي زمان من قدام النادي منافذ و شركات الاتصالات كلها مش الرعاة بس ، و الشراء بالبطاقة و رقم التليفون و يتعمل استعلام أمني لو في مشكلة التذكرة بتقف من على البوابة زي أوروبا ، و تتفتح الملاعب بسعة كاملة ، إحنا مصر و نعرف نأمن اي عدد و في اي وقت مفيش دولة في المنطقة عندها ربع استقرارنا الأمني.
وواصل: “لو في حاجة حاسس إني مقصر فيها هي إني مش قادر أشوف المدرج مقصور على مجموعة معينة ، اللي حصل في ٢٠١١ و ربط الكورة بالسياسة كانت غلط مش حيتكرر تاني إن شاء الله ، محدش أساسا يقدر يفكر يهز الاستقرار اللي احنا وصلنا له بعد معاناة رهيبة ، دة لو حد حب بس يفكر يدخل سياسة تاني بقية الجمهور هي اللي حتسكتو مش الأمن حتى”.
اقرأ أيضا: كواليس التحقيق مع طارق حامد في الزمالك
واختتم حديثه قائلاً : “عظمة النادي الأهلي هي مستمدة من شخصية جمهوره ، و جمهوره هو جمهور المدرج ، لو الشخصية دي مع الوقت تاهت حتبقي خطر كبير على رفعة النادي في المستقبل.