كشف الإعلامي أحمد شوبير مفاجأة مدوية عن رحيل عماد فاروق، المعد النفسي السابق للنادي الأهلي، والذي رحل بعد 48 من توليه المسئولية.
وقال شوبير في تصريحات إذاعية: لازم اتكلم عن موضوع المعد النفسي، لأن كابتن عماد فاروق صديقي.
وتابع: أعلم أنه كان لاعب طائرة مميز في الأهلي، واللي اختاره محمد رمضان وأكيد عن قناعات.
شوبير: عماد فاروق طلب التواجد لى دكة الأهلي في المباريات
وأكمل حارس مرمي الأهلي ومنتخب مصر الأسبق: يسمحلي عماد فاروق أني اختلف معاه.
وواصل: هو قال بنفسه أنا طلبت راتب من 20 إلى 25 ألف دولار في الشهر، وسألت محمد رمضان هو أنت بتاخد كام، وأنه اسمه اخصائي الاستثمار النفسي مش معد نفسي.
اقرأ أيضاً :مفاجأة مدوية في حالة عدم ترشح هاني أبو ريدة لرئاسة اتحاد الكرة
واستكمل شوبير: عماد فاروق طلب كمان تواصله يبقى مباشرة مع رئيس النادي، ويكون له مكتب.
وأردف: كما طلب أن يتواجد على دكة البدلاء، وأنا مش عارف أيه ده كله، العملية زادت أوي، وأنا مش مبسوط ولا حد مبسوط بالحوار ده.
اقرأ أيضاً :كواليس اختيار بديل العامري فاروق في الأهلي
وأضاف: كانت تجربة جديدة ومخدتش 48 ساعة وانتهت، وبتحصل في كل مكان، وارد أنك تاخد قرار أو فكرة وما تحصلش.
وأتم: أتمنى من عماد يلتزم الصمت كفاية بقى، عشانه هو مش عشان النادي لأن الأهلي ما فيش حاجة هتقصر معاه.
