يواصل الشاعر رامي هشام نشر سلسلة “شعْر كروي” عبر المايسترو الرياضي
آسفين يا معلم أحداد
ليه لكلامنا ما بتسمعش
عندنا بطولات بالأعداد
لكن برضو ما بنشبعش
آسف للأستاذ متولي
مش أول مرة بتحصل لي
إن فريقي يشيل الكاس
و الباقي يذهب و يولي
أهدافنا قبل النهايات
بالنسبالنا دي أجمل كيف
و منافسي بعشم البدايات
ياخد واجبه كأحسن ضيف
دي حاجات معروفة و موروثة
مش شعارات و كلام ع الفاضي
و الخطة دايما مدروسة
نادي الأهلي ده أعظم نادي
مبروك ع السوبر يا ولاد
التامن ..عد يا عداد
عقبال التاسع و العاشر
آسفين يا معلم أحداد
رامي هشام
شعْر كروي
