يواصل الشاعر رامي هشام نشر سلسلة “شعْر كروي” عبر المايسترو الرياضي.
قايمة كاس العرب.. موضوع ماتفهموش
و قوايم قبلها.. إتساووا ماختلفوش
مش ف الأسامي لأ.. ده في لخبطة كيروش
و برضه في لخبطتنا.. وشُغل حَلَّق حوش
و تصريحات سخيفة.. و تلوين الوشوش
و تناكة فارغة جدا.. ده شيء انا مفهموش
عاشق كبير للshow.. و أداؤه راح فاشوش
لا بفتري عليه.. و لا قلت ماعندهوش
ولا قللت منه.. ولا قلت معرفوش
“سي ڤى” جامد و عال.. و في منتهى الجمال
إيران و معاه اليونايتد .. و كولومبيا والريال
ومن ريحة الحبايب .. أصله م البرتغال
اهو كل ده بقا.. في أداءنا ماشفتهوش
خايف لا يكون مشطب.. و جاي لجل القروش
أو زي حد قبله…بالفتة ملا الكروش
على رأي مثل زمان اتقال و مبنساهوش
إللي تفتكره “موسى” يمكن يطلع (كيروش).
شعْر كروي
رامي هشام
