خواطر واحد من الجمهور
****
جمهورنا الجديد
كتر فيه المحنكين
وكتر الافندية
وكتر الناس
اللي بتفتت الجمهور
وكتر الشللية
وكتر حب الرأي
وكتر المطبلاتية
وحب الظهور أوعى تكون
حد منهم وتعالى جنبي
أشرب قهوتك و احكي و اسمع
حكاوي جميلة ومنسية
عن ناس في برج
حطى نفسها فوق
تبص عليك
وتعمل مش هيه
تلقط كلامك
وتسهر عليه تكرر فيه
ونعمل ايه وقول يابيه
قول ياباشا قول يا دوك
أنا قلبي اتوجع
مش لاقي دوك
سهران تعبان حيران
فين زمان
فين الي كان بيحب نادي
ويحب نجم ويحب نسر
و ملوش في الفشر
و ملوش في النشر
يسمع ويفرح يسمع فقط
ولو حب يشوف
يطلع من الفجر يركب قطر
وينزل من قطر
يدخل الاستاد
يهتف بعناد
أنا جاي من آخر البلاد
أشجع الولاد
ويرجع مجبور
دا مثال بسيط
اقرأ أيضا: المصائب لا تأتي فرادى..غياب جديد يصدم الأهلي
لكل من حب ناديه
وراسم حياته عليه
نسر طاير في السما
في العالم كله
مهو جابها
من المغرب لليابان
مشرف كل الكيان
بقلم فتحي زيدان
