كتير منا بقى بيسمع جملة “ادخلي المطبخ” الحقيقة أنا مبقتش أشوفها تتقال على الجنس اللطيف بس، بحكم إنهم مش بيفهموا كورة زى اخواتنا من الجنس الفيلسوف اللي بيفهم ف كل حاجه
الكورة في المطبخ
طل علينا الفترة الأخيرة عقلية كروية من نوع خاص ونادر وقابل للتكاثر وليس للانقراض والأغرب من كل دا انهم وللأسف لاعبى كرة قدم بندقيين وفسدقيين شويتين ليهم قوانين ورؤية كروية مختلفة عننا كلنا تتناسب أكتر مع عالم سبيستون.
تتناسب مع الإيمان التام بفكرة الظلم والمؤامرة الكونية المتربصة للملكي بخطين حُمر، ياراجل .. دا أنا مرة اتفرجت على كباتن مقترحين تشكيلة بـ 8 لاعبين والـ3 الباقيين لو احتجناهم ينزلوا🤔
اقرأ أيضا: مفاجأة موسيماني في تشكيل الأهلي المتوقع ضد الزمالك في القمة
بس معاهم حق .. القاضية كانت تقيلة حبتين والدوري الاسباني فسخ عقد تواجد الملكي عندهم وبعتلهم رد من 3 كلمات “أي قذيفة جاءت”.
ومن يومها والبندق لو اتسجل هدف ع المريخ يقول القاضية ممكن ..وييجى واحد من الجنس الفيلسوف يقولك ادخلي المطبخ، مع ان أشهر الشيفات رجالة.
وفي النهاية أنا بشوف نسبة مش قليلة من الجنس اللطيف بتفهم كورة عن إخوانا من الجنس الفيلسوف من غير بندق😉😉
اقرأ أيضا: تشكيل الزمالك المتوقع أمام الأهلي في القمة 123
بقلم/حياة
الكورة في المطبخ
