كشف إمام عاشور لاعب النادي الأهلي ومنتخب مصر، مفاجأة في عقده مع الزمالك، بعد انضمامه للفريق قادمًا من حرس الحدود.
وقال عاشور في تصريحات عبر قناة الأهلي: مضيت في غزل المحلة وأنا عندي 15 سنة، وكنت أصغر حد في الفرقة.
وتابع: بعدها قضيت سنة كويسة وروحت نادي الزمالك، وربنا كرمني ببطولتين دوري بعدها احترفت في ميتلاند.
إمام عاشور يكشف كواليس رحيله عن الزمالك
وأردف: عرضت تحمل فارق الفلوس حتى لو في أول سنتين، قعدت سنتين في الزمالك لا أتقاضى أي أموال.
وأكمل: كانوا يأخذوا من عقدي فلوس ويعطوها لنادي غزل المحلة، كنت أخذ مكافآت المباريات فقط.
اقرأ أيضا :شوبير يكشف عن أولى صفقات الأهلي في يناير
وأردف عاشور: مضيت على عقد تجديد مع الزمالك قبل الرحيل، وبعدين قالولي هتمشي فجأة ومكنتش أعرف حاجة عن عرض ميتيلاند.
وأردف: ووجدت عقود انتقالي إلى فريق ميتيلاند جاهزة في الزمالك، وأنا كنت لسه مجدد عقدي معاهم ومشيت واحترفت.
اقرأ أيضا :استبعاد ثلاثي الزمالك من رحلة ليبيا
وشدد: مفاوضات الأهلي كانت سهلة، وأمير توفيق لما كلمني كنت مبسوط والحكاية خلصت في مقابلتين، مرة في البيت عندي ومرة في النادي.
وأكمل: مضيت العقود على طول مقريتهاش، ووقعت على طول لأني بحب البطولات، فلما يجيلك الأهلي هتقول إيه، أنا فعلاً مبصتش في العقد ولا الراتب مضيت وأنا مغمض.
وواصل: أول مسؤول التقيت بيه في الأهلي كان سيد عبدالحفيظ وبعدها خالد بيبو، الناس اتكلمت معايا وفهمتني الدنيا، وبعدها كنا في معسكر النمسا، وأنا مقابلتش الخطيب غير كام مرة بس.
وأول مرة شوفته كان في معسكر النمسا، وأنا بحب الخطيب من زمان أوي ولما اتعاملت معاه حبيته أكتر، وقالي ركز معانا ومتخسرش جماهير الزمالك.
