يواصل الشاعر رامي هشام نشر سلسلة “شعْر كروي” عبر المايسترو الرياضي.
يا حَكَم و دورك “عادل”.. مين اللي قال تحتوي
ده الحُكْم واجب عادل .. بالاحتواء يِلتوي
و على يمين وشمال بالنار كده هتتشوي
و بالاحتواء إياه أديك أهو بتتكوي
آخرة ده كله إيه؟ تهزيق و قلة قيمة
و تريقة و مألسة و نأورة و شتيمة
و ضياع لمستقبل .. قابل بقا و إقبل
و اسكت كفاية كلام ده اللي عملته جريمة
ما تشوفوا حل بسرعة يا لجنة الحكام
مش طالبة شغل لكاعة و بجد ياللا اوام
و كفاية مدارية و أمور ماهيش هي
عايزين بقا أفعال كفاياكو يعني كلام
عادل مش المشكلة.. زيه كتير غيره
عطينا 100 فرصة و قولنا نتحمل
و خلاص كده نظامكو الصح تغييره
و البلوة و المعضلة على حالنا ده نكمل
شعْر كروي
رامي هشام
