رد الإعلامي أحمد شوبير، على تصريحات أحمد سليمان عضو مجلس إدارة نادي الزمالك، بشأن منع لاعبي القلعة البيضاء الدوليين من الانضمام للمنتخب.
وكان سليمان قال في تصريحات تلفزيونية: سأطرح على مجلس الزمالك، عدم انضمام لاعبي الزمالك لمنتخب مصر.
وإذا كان هذا الأسلوب مع لاعبي الزمالك في منتخب مصر، بنسبة كبيرة لن يذهبوا لمنتخب مصر.
أحمد شوبير يعلق تصريحات أحمد سليمان بشأن المنتخب
وقال أحمد شوبير: الأهلي محدش يعرف يخرج عن النص، اللي فيه بيتربوا على الأدب واللي بيجيه بيدخل في منظومة الأدب.
وتابع: اللي بيخرج منه بتلاقيه يخرج بلا رجعة ولا عودة، مينفعش يكمل مع النادي الأهلي، أياً كان أسمه أو مستواه الأهلي لا يتوقف على أحد.
اقرأ أيضا :قرار الفيفا يحرم الزمالك من صفقة نارية في يناير
وواصل: في حد عاوز يجرجر الأهلي بإدارته وإعلامه، ولعيبته ومسئوليه لمعارك وهمية «خايبة» زيه مبيعرفش يعمل ده.
واستكمل: قاله يابا علمني الخيابه قاله تعالى في الهايفة واتصدر، فيه خيابه بالويبه بعيد عنك
والعبط اللي شغال فيه شوية عبط مالهمش حل.
اقرأ أيضا :كارتيرون يكرر سيناريو الزمالك ويرحل عن الدوري القطري
وأردف: العبط اللي شغال بأشوفهم وأقعد أضحك، واحد قاعد لا عارف هو فين ولا بيتكلم عن مين ولا بيقول أيه هو تايه.
وأكمل: وواحد تاني قاعد مفكر نفسه نجم النجوم ،والعظيم والحدوتة والحياة هتتوقف من غيره وده أصلاً لا محل له من الإعراب.
وشدد: ليا طلب من الناس اللي بتحط اللوائح، الوزارة أو غيرها من فضلكم باتكلم بجد مش بهزر.
وأكمل: لما تيجوا تحطوا اللوائح، حطوا منها الكشف الطبي على علقية المرشحين نضمن مجالس الإدارات سوية،
واختتم: مينفعش حد تراللي يطلع يتكلم ويبقى مشكلة، نكشف على كل المرشحين.
وتبقى الناس متأكدة من اللي بيديرها عاقل وعنده من العقل ما يكفي.
