أكد الإعلامي أحمد شوبير، أن هناك أزمة داخل صفوف الفريق الأول بنادي الزمالك، بسبب 100 مليون جنيه.
وقال شوبير في تصريحات عبر راديو أون سبورت: مصدر في نادي الزمالك كشف لي أن هناك محاولات جديدة للمرة الرابعة، لإنهاء أزمة سامسون أكينيولا.
وتابع: سامسون بيقول أنا مبسوط كده ليه بقه الموسم ده عقبال عندك، يعني له 615 الف دولار
واللي جاي عقبال عندكوا كلكم له 692 ألف دولار، يعني أكثر من مليون و300 ألف دولار، ده أيه ده.
قيمة راتب سامسون أكينيولا مع الزمالك
وواصل: أيه اللي افترا ده، أيه الظلم ده، فيه كده يا جماعة هل ده معقول لاعيب مستواه لا يزيد عن مستوى لاعيب درجة ثانية في مصر.
وأردف: سامسون خد في سنيتن قد كده ولسه له مليون و300 ألف دولار، ولما تيجي تتكلم يقول لك اوعى تفتح بوقك ليه ما افتحش بقي.
اقرأ أيضا :تطورات جديدة في أزمة ثلاثي الزمالك المحتجز في الإمارات
وأكمل: أنت عارف يعني أيه مليون و300 ألف دولار يعني حوالي 65 مليون جنيه.
وباللي خده قبل كده يبقى سامسون ده داخل لوحده في 100 مليون جنيه، فاد بقه الزمالك في إيه حرام والله.
اقرأ أيضا :كواليس العفو عن كهربا في الأهلي وتفاصيل جلسته مع كولر
واستكمل: إنت جاي تقارن لي سامسون بالأسماء الكبيرة العظيمة اللي لعبت في نادي الزمالك، زي بن شرقي وكوارشي وأمونيكي.
وأتم: يرجع يقول لك إياك تتكلم، لأ لازم أكلم عشان دي صفقات رائحتها تزكم الأنوف
ولازم الناس تتحرك والناس تحقق مش في موضوع أكينولا بس، ولكن أي لاعب في أي ناد، إيه الأرقام اللي بتدفع دي.
