استغاثة شيماء خلف لاعبة منتخب مصر لرفع الأثقال بالمسؤلين في الدولةعبر صفحتها على الفيس بوك لمساعدتها وتوفير عمل لها من أجل أن تعيش حياة كريمة ، لأنها بطلة مثلت مصر في محافل دولية عدة.
قالت شيماء خلف عبر صفحتها على فيسبوك : ” استغاثة لرئيس الجمهورية عبد الفتاح السيسي هو أب لكل مواطن مصري معالي وزير الشباب والرياضة أشرف صبحي ، رئيس اللجنة الأولمبية المهندس هشام حطب أنا كتير أوي اتكلمت عن المشكلة اللي عندي أنا بصرخ بالدموع وأنا اتحملت اللي مافيش حد يتحمله”.
وأضافت :” وأنا أرفع شكواي لأبي فخامة الرئيس عبد الفتاح السيسي راعي الرياضة والرياضيين في مصر بعد ما جميع الأبواب اتقفلت في وشي بعد ما بابا مات “.
وتابعت خلف :” وأنا اتظلمت كتير من اتحاد رفع الأثقال رئيس الاتحاد استبعدني من المنتخب عشان أنا قلت عن الفساد اللي موجود في الاتحاد وكمان حرموني من اني ألعب لأي نادي تاني وكمان حرموني من اني اشتغل في أي مكان وأنا شخصية معروفة “.
وأردفت شيماء خلف :” أنا رفعت علم مصر في جميع الدول أكتر من 50 مرة وأنا أول عرب وأول أفريقيا وأول بحر متوسط و ثاني عالم كبار ورابع أولمبياد وأرقامي تعمل ميدالية أولمبية وكل اللي أنا بتمناه فرصة عمل تغنيني عن الوقوف بالشارع للعمل في أي مهنة “.
وأستطردت :” أنا بطلة بس بكسب لقمة العيش بالحلال عشان اعرف اجيب مصروفي من بعد ما بابا مات هم اللي اجبروني أن أبطل حديد رغم عملت إنجازات ما فيش حد عملها كان نفسي أكمل وأعمل ميدالية لمصر في أولمبياد باريس بس الحمد لله أتمنى أن مشكلتي توصل لفخامة الرئيس عبد الفتاح السيسي كل اللي عايزاه شغل اقدر اعيش منه وشكرا ليكم”.
ويذكر أن شيماء خلف رباعة مصرية حصلت على العديد من الميداليات ومثلت مصر في عدة محافل دولية وهي بطلة في وزن +٧٦ كيلو ، وهي بطلة أفريقيا والبحر المتوسط ورابع الألعاب الأولمبية ريو دي جانيرو 2016 .
