علق كريم فؤاد لاعب النادي الأهلي على تعرضه للإصابة وتأكد إصابته بقطع في الرباط الصليبي، خلال مشاركته ضد سموحة في الدوري المصري.
بينما من المنتظر أن يسافر كريم فؤاد إلى النمسا للخضوع للجراحة تحت إشراف الدكتور فليك الذي قام بإجراء جراحته الأولى.
بينما كتب اللاعب عبر صفحته الرسمية على موقع التواصل الاجتماعي “فيس بوك” قائلًا: كل خسارة دون الجنة، فهي دُون
اللهم لك الحمد كما ينبغي لجلال وجهك وعظيم سلطانك.
كريم فؤاد يؤكد عودته بشكل أقوى من الرباط الصليبي
وأكمل: الدنيا دار ابتلاء وشقاء ودايماً الابتلاء بيجي للشخص في الحاجة اللي هو بيحبها، ونِفسه فيها وطموحه وسعادته فيها.
وتابع: دا بيكون اختبار ليك هتعمل ايه في الموقف دا، وأن الاختبار والبلاء دا بيكون ليه أجر كبير ورفع درجات في الجنة
وتكفير ذنوب وحاجات كتير عظيمه اوي مقابل اني اصبر على الإبتلاء دا.
اقرأ أيضا :وزارة الداخلية تكشف مفاجأة في قضية فتوح.. متناول المخدرات
وأضاف: أنا كان مكتوبلي إصابة في الرباط الصليبي للمرة الثانية، بس عندي إحساس تاني خالص مع الاختبار دا، أنه أنا في نعمة كبيرة أوي.
وأكمل: الحمد لله ربنا رزقني باختبار سهل وهين أوي مقابل ابتلاءات ناس تانيه أصعب من دا بكتير
وكمان اختبار مش جديد عليا بَعيده للمرة الثانية في وقت قصير فهعرف أتعامل معاه بشكل كويس ويمكن أحسن”.
اقرأ أيضا :أول رد من الزمالك على حبس أحمد فتوح
وقال: عشان كدا بحمد ربنا أن الابتلاء اللي هاخد عليه أجر كبير وعظيم مش بالصعوبة القاسية اللي توجعني وتهدني
أنا بحمد ربنا وراضي ومؤمن جداً إن ربنا بيحبنا نقرب منه بالعبادات اللي منها الصبر والدعاء، الحمد لله مستعد للإختبار ومتحمس.
واختتم: شوية وقت وهنرجع نحارب من تاني، أشوفكم على خير قريب.
